jueves, 22 de mayo de 2008

waliki jutapxtaxa

Aymara markankirinaka: jichha urutxa mä yatiyawi qillqatawa, sapa simanana, utjawayani. Jumanakaxa taqinisa uñxatt'añataki uñaña wakiyasipxñamawa. Aka yatiyawina sutipaxa JAYMA satawa, ukaruxa taqiniwa qillqanipxañasa, uka qillqatanakxa layme555@yahoo.com uksaruwa apayanipxäta. Ukhamaraki kuna phutunakpsa apayanipxasmawa. Laqakiwa aksana, Jayma yatiyawina, taqina yatipxañapataki, apsunitäni.

Janiwa axsarapxätati, jani wali qillqt'atächisa nanakawa aksatuqina askicht'askapxäxa, jumanaka ukhama mayipxäta ukjaxa. Qillqt'anipxasmawa, jumanakana mara phuqhatanakamata, aymara marka yatiyawinakata, kuna kawki jaya markanakata yatiyawinaksa, kunanakxaya yatiyaña munapxsta, ukanakxata qillqt'anipxasma. Ukhamaxa jikisiñkama.

Taqi chuymampi IRPIRI.